Зачленете се во нашиот клуб на читатели и најновите текстови ќе ги добивате на вашата мејл адреса
Интензивно се работи на уредување на просторот, реконструкција и проширување на улиците околу новиот стамбено - деловен центар, кај зелениот пазар, кој наскоро треба да биде пуштен во употреба.
Активностите ги спроведува Општина Куманово и траат повеќе од еден месец на улиците „Зелен Пазар“, „Страшко Симонов“ и „Трета МУБ“.
Моментално се работи на дел од „Трета МУБ“ на изградба на уште една коловозна лента, откако предходно се реконструираше тротоарот.
„Отпочнавме со подготовка за реконструкција на дел од „Трета МУБ“ и изградба на трета лента кај градскиот пазар. Проектот е финансиран од Општина Куманово согласно годишната развојна програма и буџетот“, објави градоначалникот Максим Димитриевски.
За оваа намена од општинскиот буџет издвоени се 11.594.793.87 со ДДВ.
На оваа локација истовремено се уредува и нов простор за продажба на цвеќе на местото на поранешната продавница Елида, за да се тргнат тезгите од тротоарот.
За потребите на новиот трговски центар Советот на Општина Куманово донесе одлука за времена измена на сообраќајот, па улицата „Страшко Симонов“ од едносмерна стана двосмерна за да можат возилата од „Трета МУБ“ да се исклучуваат кон подземната гаража на новиот објект.
Новиот стамбено-деловен комплекс се изгради на местото на некогашната Фабрика за преработка на дрво „1 Мај“.
(фото: Општина Куманово)
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk