Се шири гасоводната мрежа на “Октомвриска“

Продолжува изградбата на гасоводната мрежа на улицата “Октомвриска револуција“.

 За потребите на домаќинствата во комплексот згради „Водовод„ поставена е секундарна мрежа во должина од 500 метри.

Создадени се услови за приклучување на гасоводниот систем и во овој дел од градот. Сите заинтересирани граѓани и правни лица, како и станарите на колективни станбени згради, сега можат да приклучат гас. Заинтересираните нека дојдат кај нас да им ги објасниме условите и постапката за приклучок“ - велат од јавното претпријатије “Куманово-гас“.

Ова е втор крак на гасовод на „Октомвриска„ откако беше поставена мрежа кај маркетот Туш. Од локалитетот „Водовод„ гасификацијата ќе продолжи во централното градско подрачје, а ќе се гасифицира и црквата „Свети Никола„.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk