Се засадуваат повеќе видови цвеќе низ градот

Повеќе видови на цвеќиња отпорни на ниски температури се засадуваат на Градскиот плоштад,  пред судот и на други локации низ градот.

Од јавното претпријатије “Чистота и зеленило“ велат дека низ Куманово ќе се засадат и голем број на хризантеми кои цветаат во овој период.

Хризантемите цветаат до крајот на есента, а потоа ќе ги откопаме и ќе ги однесеме во нашиот расадник. Садиме цвеќе кое е отпорно на мраз, снег и ниски температури. Сега ги отстрануваме гранките кои паднаа од невремето, наносите од кал, песок,  кроиме жардињери - вели Благица Јовановска од „Чистота и зеленило“.

Јовановска додава дека понатаму ќе имаат и акции во соработка со ЕВН за сечење на гранки од стари дрвја.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk