Зачленете се во нашиот клуб на читатели и најновите текстови ќе ги добивате на вашата мејл адреса
Седум неексплодирани убојни средства и мини, од почетокот на годинава, се пронајдени на подрачјето на Куманово, информираат од Дирекцијата за заштита и спасување.
Неексплодираните мини претежно ги наоѓаат мештаните во селата.
- Најчесто наоѓаат неексплодирани рачни гранати и бомби кои се скриени во старите згради. Во Липково, пронајдени се парчиња од воениот конфликт од 2001 година, претежно неескплодирани гранати и рачни бомби, додека во останатите општини кои ги покрива подрачното одделение на Дирекцијата се наоѓаат парчиња од Втората светска војна. Во Крива Паланка пак најчесто се наоѓаат парчиња од Првата светска војна - изјави Гоце Илиќ,пиротехничар во подрачното одделение на Дирекцијата за заштита и спасување.
Од почетокот на годинава во североисточниот регион се најдени вкупно 15 парчиња од кои по 3 во Липково и Кратово, а во Старо Нагоричане 2 парчиња.
Пронајдените парчиња претходните години се уништуваа кај Зебрњак, а последниве години на полигонот во Криволак каде се уништуваат заедно со пронајдените неексплодирани мини од другите региони на државата.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk