Зачленете се во нашиот клуб на читатели и најновите текстови ќе ги добивате на вашата мејл адреса
Со скромна божиќна трпеза, семејството на стечајниот работник Младен Георгиевски ќе ги прослави големиот христијански празник Бадник и Божиќ.
По 19 години работа во авто сервис Куманово, од 2010 година па наваму Георгиевски е без работа и без постојани месечни примања. Неговото четиричлено семејство живее со 4500 денари, пари кои како технолошки вишок ги добива неговата сопруга. Младен го затекнавме денеска на прославата на Бадник на Градскиот плоштад, додека се делаеа бадниковите гранчиња. Тој и неговото семејство, како вистински православни христијани, ги почитува сите обичаи и покрај тешките финасиски проблеми.
Овоја празник како и многу други досега ќе го поминам скромно. Нема да се расфрламе, се подготвува посна храна, гравче, риби. За нас стечајците е многу тешко бидејќи останавме на улица. Децата ми се полнолетни и невработени. Би порачал да се реши веќе еднаш ова со стечајците, не само за мене, туку за сите. Со 4500 денари се живее многу тешко, не можеме ни давачките кон државата да ги платиме. Се задолжуваме и така преживуваме - рече Георгиевски.
Тој се надева дека 2015 година ќе биде побериќетна, посреќна од претходната и дека финансиската состојба на неговото семејство и на многу други ќе се подобри.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk