Семејството на исчезнатиот кумановец апелира до граѓаните да помогнат да се најде

 Зоран Марковиќ (64) од Куманово е човекот кој пред неколку дена исчезнал од неговиот дом и полицијата трага по него.

Според членови на семејството, во саботата околу пладне Зоран излегол од дома од улицата „Ангел Шајче“, во близина на т.н. „Изгоренo школo“ и од тогаш му се губи секаква трага. Тој имал здравствени проблеми и порано се случувало да го нема по ден - два, но се враќал.  Неговите блиски апелираат до граѓаните доколку некој го видел или има информација каде се наоѓа да јави во Полициската станица во Куманово или на телефонскиот број 078/372-098.

Од СВР Куманово, денеска информираа дека од дома се оддалечил З.М.(64). Според пријавеното, тој имал здравствени проблеми и почесто се оддалечувал од домот и се враќал. Се преземаат мерки за негово пронаоѓање.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk