Зачленете се во нашиот клуб на читатели и најновите текстови ќе ги добивате на вашата мејл адреса
Вчера попладне околу 14 часот во Куманово на крстосницата од ул. „Никола Тесла“ со ул. „Доне Божинов“, се случила сообраќајна незгода, во која мопед „Априлија“ управуван од 16 годишно лице од Виена – Р.Австрија, удрил во пешакот З.А.(18) од Куманово.
По незгодата, со возило на Итна медицинска помош, З.А. била пренесена во Ургентен центар Куманово за укажување медицинска помош, каде што и била констатирана телесна повреда. Увид на лице место извршила екипа од Полициска станица за Безбедност на патниот сообраќај Куманово.
По наредба на Јавен обвинител, патната исправа на 16 годишното лице е привремено одземена. За незгодата биле известени инспектор за малолетници, како и инспектор за странци од СВР Куманово.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk