Синдикатот нема да ги застапува стечајците од Монопол?

 По барање на стечајниот управник Зоран Денковски, Судот на завчерашното рочиште одлучи Сидникатот да не ги застапува поранешните вработени на Tутунскиот комбинат Куманово и наложи едно лице од вработените да се назначи во одборот на доверители.

Од Синдикатот велат дека таквата одлука е парадоксална и сметаат дека треба да се почитува вољата на стечајците.

Со изборот на само еден член на одборот од страна на стечаен управник, тој ќе се застапува себе си, а другите ќе нема кој да ги застапува во одборот на доверители. Се работи за голем број на стечајци, над 200 и нивната волја треба да се почитува бидејќи тие имаат доверба во нас. Ние се обративме до в.д претседателот на судот да интервенира и да и укаже на стачајната судијка Јасмина Јанева Сандевска дека синдикатот има право да ги штити интересите на работниците - вели Миле Спасовски, секретар на Регионален синдикат.

Тој објаснува дека стечајниот управник не може да одредува кој ќе ги застапува стечајците пред суд, а судијката може да го разреши членот на одборот на доверители само ако не си ги врши обврските пропишани со закон.

 Ваквата постапка на стечајниот управник и стечајниот судија крајно ги иритира вработените и остава простор за различни шпекулации дека повторно може да бидат изманипулирани како многупати досега. Ние поднесовме преставка до Републичкиот судски совет и откако ќе добиеме решение ќе го обжалиме. Ќе реагираме и до стечајниот судски совет - додава Спасовски.

Тој посочи примери дека во Скопје, Кавадарци, Куманово во неколку наврати синдикатот ги застапувал стечајците од повеќе фирми пред суд што е сосема нормално.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk