Синдикатот работно ќе го одбележи 1 мај

Регионалниот синдикат 1 мај - Денот на трудот ќе го одбележи работно со учество на настан во Скопје каде ќе се актуелизира темата за безбедност при работа.

  -Ние како регионално синдикално претставништво сме повикани на плоштадот Македонија каде ССМ ќе организира штандови на кои ќе се делат  флаери дека сојузот се грижи за безбедност при работа. Секоја година темата е различна и оваа година е за безбедни работни места на нашите работници. Ќе ги повикаме и другите синдикални организации од Куманово да учествуваат - рече Миле Спасовски, секретар на Регионален синдикат Куманово.

 Спасовски вели дека од почетокот на годинава во Куманово не е регистриран случај на повреда на работно место, а немало ниту поплаки за безбедност при работа.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk