Сириец прободен со нож на Табановце

Двајца државјани на Сирија вчера биле нападнати со нож во близина на транзитниот центар Табановце, на македонско-српската граница.

Нападот се случил околу 16.30 часот додека М.А. (21) и А.Б.(27) се враќале од селото Лојане кон ТЦ „Табановце". Движејќи се низ полето, биле физички нападнати од пет непознати лица, кои му нанеле расекотина со нож на левата надлактица на М.А..

По пристигнување во ТЦ„Табановце", лицата се обратиле за помош кај медицинската екипа на Црвениот крст каде на повредениот му била укажана медицинска помош.

Од страна на полициски службеници од ПС-Куманово извршен е разговор со лицата и се преземаат мерки за пронаоѓање на сторителите и целосно расчистување на случајот.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk