Зачленете се во нашиот клуб на читатели и најновите текстови ќе ги добивате на вашата мејл адреса
Изложбата “Скици 2012“ која обединува дела на повеќе кумановски сликари, утре во 19 часот ќе биде отворена во Домот на културата “Иван Мазов - Климе“ во Кавадарци.
На оваа биенална изложба има дела од сликарите Момчило Аврамовски, Борис Кукуњавски, Трајко Тошевски, Марија Величковска, Дејан Арсовски - Бабата, Зоран Арсовски - Бабата, Милена Христовска и Далибор Крстевски. Делата се работени во комбинирана техника, пастел, акрил или со молив. Проектот “Скици 2012“ е продолжување на заложбите да се актуелизира и поддржи цртежот.
Цртежот е претходница на писмото и кон крајот на 15 и почетокот на 16 век се смета како форма на ликовно изразување. На македонската ликовна сцена тој треба да го добие заслуженото место и затоа се прави оваа изложба, за да привлече вниманието на јавноста.
Изложбата гостуваше во Струмица, Демир Капија, а потоа ќе биде поставена во неколку галерии низ Македонија.
Координатор на проектот “Скици 2012“ е Центарот за култура “Трајко Прокопиев“ од Куманово.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk