Слепи деца од Куманово учат во Скопје

 Седум  слепи деца од Куманово учат во Заводот за рехабилитација на деца и младинци со оштетен вид “Димитар Влахов“ во Скопје.

Ова е единственото училиште за деца со оштетен вид во државата кое нуди основно и средно стручно образование.

Седум деца секојдневно со меѓуградски превоз патуваат и учат во Скопје. Реално бројката на слепи деца е поголема, но кај нас тоа сеуште е табу тема. Многу од родителите не сакаат децата да ги носат во училиштето за слепи и со тоа од нив прават поголеми инвалиди. Тие деца подоцна потешко се осамостојуваат. Тоа се деца со над 90 отсто оштетен вид - вели Коце Витанов, секретар на Здружение на слепи лица Куманово.

Од Здружението на слепи лица Куманово потврдуваат дека децата кои се образувале во училиште за слепи подобро се ориентираат во просторот, а се прават напори по завршување на средно образование тие да добијат работа.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk