Смени во СВР Куманово, Јакимовски останува на функцијата

Во кумановската полиција сменети се помошник началникот на СВР и раководителот на криминалистичка полиција

Началникот на СВР Куманово, Моме Јакимовски останува на функцијата, иако се зборуваше дека ќе биде преместен на ново работно место во Скопје.

Новиот бран на смени го зафати неговиот заменик Мевљам Џемаили, на чие место е назначен Севдаиљ Џафери, кој досега работел како командир во полициската станица во селото Матејче.

Од раководното место на крим-полиција си заминува и Владимир Петрушевски, а на негово место доаѓа Марин Николовски, кој и до пред две години ја вршеше оваа функција.

Раководителите на аналитика и на униформираната полиција Валентина Николовска и Роби Митев исто така остануваат на досегашните функции.

Министерството за внатрешни работи изврши промена во секторите, но и функциите на вработените поради повисоко интегрирање и доближување на стандардите на европските полициски правила.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk