Со 3,2 промили алкохол возел камион на „Трета МУБ“, полицијата го привела

Полицијата привела возач кој во алкохолизирана состојба управувал товарно возило на булеварот „Трета македонска ударна бригада“ во Куманово.

„Во 16:10 часот, полициски службеници го привеле Д.Т. (34) од Куманово, бидејќи при контрола во патниот сообраќај сопреле товарно моторно возило „ивеко“ со кумановски регистарски ознаки. Притоа било констатирано дека возачот е под дејство на алкохол, односно дека има 3,21 промили алкохол во крвта. Тој веднаш бил исклучен од сообраќај и задржан во полициска станица“, соопшти СВР Куманово.

По целосно документирање на случајот, против него ќе биде поднесена пријава по член 297-а од Кривичниот законик за „безобѕирно управување со моторно возило“.

 

2008 - 2026 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk