Со бик на ражен се славеше Ѓурѓовден во Старо Нагоричане

Со печен бик на ражен и музика , синоќа во Старо Нагоричане беше одбележан големиот празник Ѓурѓовден.

На прославата присуствуваа голем број жители на околните села од општина Старо Нагоричане. Ѓурѓовден во селото има долга традиција и се слави скоро 200 години.

Во време кога јас бев дете, имаше традиционалeн собир во селото. Долги години беше прекината традицијата, но по иницијативата на месна заедница Старо Нагоричане и со помош на општината, оваа манифестација се возобновува во очи на празникот. Се надевам дека ова во иднина ќе биде традиција и со поголем квалитет“ - изјави Милован Стојковски, градоначалник на Старо Нагоричане.

Посебна атракција за посетителите беше печењето бик на ражен, која станува нова традиција во селото. Но за да се дојде до квалитено и вкусно печено месо, потребни се многу подготовки и големо мајстрство во самото печење.  

Поради големината на бикот, потребно е константно надгледување при негото печење. Секој дел посебно се сече, се посолува и одделно се пече. Потребно да се посвети повеќе време и внимание при подготовката, но најмногу се потребни 12 часа. Оваа новина се негува веќе четврта година по ред, а мајсторите велат дека најголемиот метеж настанува при делење на месото. Јас им го пренесов моето знаење и сега се обидуваме веќе четврта година да го подготвиме успешно - вели мајсторот Петар Диклиќ.

На прославата настапија членови на КУД“Српски вез“, “Карпош“ и играорци од Бор, Србија. Петар Диклиќ објасни како се подготвува бик на ражен.

Организирани прослави за Ѓурѓовден се организираат од 2010 година.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk