Со хепенинг заврши празнувањето на Детската недела

Со хепенинг на Градскиот плоштад денеска заврши празнувањето на Детската недела, во организација на хуманитарното здружение „Мајка“.

Ученици од основни училишта читаа поезија, а настапи и Детскиот градски хор. Со овој настан беше испратена порака за почитување на правата на децата.

Со ова сакаме да испратиме порака дека и децата се дел од заедницата и дека треба повеќе да бидат почитувани детските права од возрасните, и од целата заедница - рече Лидија Илијевска, претседател на “Мајка“.

Дел од учениците досега неколку пати учествувале во одбележување на Детската недела која трае од 5 до 11 октомври.

Ќе ја читам поемата „Сите заедно за подобро утре“, кој покажува дека децата не ги делат луѓето по боја на кожа, традиција, потекло - рече Сара Марковска, ученичка во “Христијан Карпош“.

Хепенингот го следеа многу деца, родители и граѓани. Цела недела хуманитарното здружение “Мајка“ организираше работилници и  спортски натпревари во Куманово за одбележување на Недела на детето.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk