Зачленете се во нашиот клуб на читатели и најновите текстови ќе ги добивате на вашата мејл адреса
Нерасчистени односи се причина за вооружениот напад во центарот на Куманово, во кое едно лице е повредено и пренесено на лекување во Скопските клиники.
„Во 17.17 часот во СВР Куманово било пријавено дека на улицата "Борис Кидрич" во Куманово М.С.(44) испукал со пиштол и го повредил Т.Ш. (49) во пределот на нозете. Според пријавеното, причина биле меѓусебни нерасчистени односи. Се преземаат мерки за расчистување на случајот“, соопшти МВР.
Во штурото соопштение не е прицизирано за какви меѓусебни нерасчистени односи се работи и дали напаѓачот е упасен.
Вооружениот напад се случи денеска попладне на паркингот на т.н. „Чоробенско ќоше“, на исклучително фреквентен дел во центарот на градот, каде има повеќе дуќани и стамбени згради. Пукањето ги вознемири станарите и случајните минувачи.
Неофицијално се зборува дека е повреден сопственик на менувачница во Куманово, а по пукањето напаѓачот побегнал.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk