Сомнителни вработувања во ЦЈЗ Куманово

Докторка од Куманово обвинува дека не била вработена во Центарот за јавно здравје во Куманово иако имала најголем број на бодови од сите учесници на конкурсот.

Како што пренесува ТВ Сител, биле вработени тројца кандидати меѓу кои и последно рангираниот кој имал вкупно 25 бодови, а 74 имала првата на листата.

-  Незнам како тоа го направиле и по кои критериуми. Полагавме испит каде не надгледуваа и контролираа од Министерството за здравство. И потоа, наместо јас вработен е тој што е последен, тоа беше шок за мене. Незнам каква порака им се испраќа на лекарите со тоа, кога сите мои колеги што ги знам се отселија од земјата,- изјави докторката за ТВ Сител.

Таа нема објаснување зошто не го добила работното место, но има право на жалба. Не знае дали ќе реагира, ќе чека нов конкурс за вработување или, пак, како и нејзини колеги шансата ќе ја бара надвор од границите на Македонија.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk