„Сомнително лице“ ќе игра на фестивал во Кочани

Здружението на пензионери Куманово на 30 мај со претставата „Сомнително лице“, ќе настапи на Драмски аматерски фестивал во Кочани.

Со оваа претстава ќе биде затворен кочанскиот фестивал, кој е со ревијален карактер.

Ние се пријавивме за учество, и бевме селектирани од стручно жири. Се работи за претстава во која учествуваат 13 актери и истата трае цели два часа. Очекуваме да прикажеме една добра претстава пред тамошната публика - вели Спирко Николовски, претседател на Здружение на пензионери Куманово.

„Сомнително лице“ потоа ќе биде прикажана во Прилеп, Велес и други градови во Македонија.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk