Зачленете се во нашиот клуб на читатели и најновите текстови ќе ги добивате на вашата мејл адреса
Членовите на опозицата на денешната седница на Советот на Општината Куманово, најмногу прашуваа кога ќе се надминат горливите инфраструктурните проблеми на граѓаните во градските и приградските населби.
Советниците се интересираа кога ќе бидат реконструирани улиците Чупино Брдо, Љубица Михајловиќ, Рајко Жинзифов, Стеван Филиповиќ, кога ќе биде изградена водоводна и канализациона мрежа во селото Провце, Тромеѓа, населбите Иго Тричковиќ и Гладно поле. Дали локалната самопуправа планира да издвои сретства за изградба на локалниот пат Сушево-Сопот, чистење на речното корито, изградба на тротоари...
Градоначалникот на сите овие прашања даде идентичен одговор.
Сите овие проекти се влезени во развојната и годишната програма на Советот на општината Куманово и според предвидената динамика повеќето од нив досега требаше да бидат реализирани. Но, како што ви е познато општинската каса е блокирана скоро 10 месеци и ние немаме пари да градиме и инвестираме. Повеќето од проектите ќе бидат префрлени за наредната година, а она што е приоритетно ќе го решаваме до крајот на годината, доколку ни дозволат приликите.-одговори градоначалникот Зоран Дамјановски.
Сметката на општината Куманово е блокирана од почетокот на годината за долг од 200 милиони денари или 3 милиони евра, по судска правосилна одлука за експропријација на земјиште од пред 40 години и за кредит од проектот на програмата МЕАП во 2001 година што требало да го отплаќа државата, а сега долгот е префрлен на локалната самоуправа.
И покрај парализираната работа на Општината, градоначалникот се пофали дека во тек е реализација на 15 проекти.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk