Спасовски најави помош за кожарската и текстилната индустрија

При денешната средба со граѓаните на Куманово, носителот на листата во втората изборна единица Оливер Спасовки најави дека СДСМ се обрзвува во првите четири месеци од мандатот минималната плата да се зголеми на 12 000 денари и во текстилната и кожарската индустрија.

Според Спасовски работниците во овие индустрии со години се дискриминираат и земаат помалку од законски пропишаната минимална плата.

„За да ја постигнеме оваа мерка ќе ги помогнеме и компаниите со по 1900 денари месечно за секој вработен, за секоја фирма да може да подели минимална плата без да има дополнителни трошоци“, изјави Спасовски.

Тој потенцираше дека според програмата План за живот на СДСМ до крајот на мандатот минималната плата ќе изнесува 16 000 денари, а просечната плата да биде 30 000 денари.

„Просечна плата од 30 000 денари значи семеен буџет од 60 000 денари или 1000 евра во семејства каде што има двајца вработени. Тоа е пристоен семеен буџет кој ќе овозможи пристоен живот и покриен месец. Тоа се месечни приходи кои граѓаните, чесните и работливи граѓани ги заслужуваат “, изјави Спасовски на градскиот плоштад во Куманово.

Спасовски со останатите кандидати за пратеници попладнево во 17 часот одржа мини митинг во населбата „Перо Чичо“, а во 19 часот во населбата „Карпош“.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk