Зачленете се во нашиот клуб на читатели и најновите текстови ќе ги добивате на вашата мејл адреса
На 3 октомври во основното училиште “Кочо Рацин“ ќе се врши пријавување и тестирање на ученици за младинска размена во американски семејства, стои на интернет страната на Министерството за образование.
Тестирањето се состои од три фази: тест по англиски јазик, пишување на есеј и официјален тест по англиски јазик. На конкурсот можат да се пријават ученици кои се прва и втора година средно образование, кои го познаваат англискиот јазик и да исполнуваат услови за добивање на виза во САД.
Со оваа програма им се дава можност на учениците од Република Македонија, една учебна година (2015/2016), бесплатно да учат во американско средно училиште и да престојуваат во американски семејства домаќини.
Програмата во целост е финансирана од Владата на Соединетите Американски Држави и е поддржана од Министерството за образование и наука на Република Македонија и Амбасадата на Соединетите Американски држави.
Вакви тестирања ќе има и во Штип, Струга и Скопје во различни денови.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk