Средношколците да се вклучат во кампањата “Помалку отпад“

Средношколците можат да се вклучат во интернационалната кампања “Помалку отпад“ истражувајќи ги проблемите со отпадот во локалната заедница, влијанието врз растителниот, животинскиот свет, здравјето на луѓето, амбалажите кои се фрлаат и слично.

Откако ќе истражуваат на одредена тема, учениците од средните училишта треба да подготват новинарска статија, фотосторија или видео запис во кои ќе дадат предлог решенија за помалку отпад. Целта е да се влијае врз свеста на граѓаните, учениците и заедницата за создавање на што помалку отпад.

Кампањата “Помалку отпад“ е дел од програмата “Млади репортери за животна средина“ и се спроведува во 15 земји, а во Македонија се реализира по втор пат. Оваа кампања ја спроведуваат Здружение за едукација, комуникација и консалтинг ОХО и Министерството за образование.

Заинтересираните повеќе информации можат да добијат на мејлот [email protected].

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk