Зачленете се во нашиот клуб на читатели и најновите текстови ќе ги добивате на вашата мејл адреса
На Градскиот плоштад денеска се одржа средношколскиот собир „Заедно за подобро образование“, организиран од Средношколски пленум Куманово.
Средношколците бараат укинување на екстерното тестирање и изнаоѓање на нов модел прифатлив за сите, и да се полага државна матура по стариот модел.
На денешниот собир најмногу ќе се говори за изминатиот циклус за екстерно тестирање за матурантите, но и за Средношколскиот пленум како пример за заедништво помеѓу учениците и како тоа желбата за подобро образование ги сплоти учениците по многу годишните поделби на различни основи. Во изминатиот период покажавме и докажавме колку сме упорни и дека ние нема да застанеме во нашата борба за подобро образование. Се додека не биде слушнат нашиот глас ние ќе продолжиме со нашите активности - вели Никола Крстевски од Средношколски пленум Куманово и ученик во Гимназија „Гоце Делчев“.
Учениците велат дека екстерното негативно влијае на нивниот успех, а воедно има и казни за професорите.
Треба екстерното да го укинат затоа што е лошо и за нас учениците и за професорите. Немаме време да се подготвиме и прашањата не се многу логични. Исто така тоа е многу лошо за професорите бидејќи им кратат од плати - изјави Јован Минковски, ученик од „Наце Буѓони“.
Средношколците кажаа дека немаат притисоци да не излегуваат на собирот, единствено собирот беше планиран да се одржи пред „Сами Фрашери“, а потоа беа принудени да бараат нова локација за одржување на настанот.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk