Српскиот ансамбл „Коло“ ќе одржи концерт во Куманово

Националниот ансамбл на Србија „Коло“ во утре /сабота/ од 19 часот ќе одржи целовечерен концерт во Центарот за култура „Трајко Прокопиев“ во Куманово. 

Оваа година ансамблот „Коло“, слави 75 години постоење. Јубилејот го прославува со серија активности, меѓу кои и регионалната турнеја наречена „Колодром“, во која се вклучени два концерта со ансамблот „Танец“ од Скопје. Првиот концерт е одржан вчера во Крагуевац, а вечерва ќе настапат во Битола.

Во Куманово „Коло“ доаѓа на покана на КУД „Српски вез“, кои како организатори и домаќини на концертот исто така ќе настапат со неколку кореографии.

Концерт е поддржан од Општина Куманово.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk