Станарите учат како да ги заштитат зградите од крадци

Отсекот за превенција при СВР Куманово во соработка со куќните совети, започна кампања за едукација на станарите за заштита од тешки кражби.Во кампањата ќе се вклучат над сопствениците на триста згради во градот.

“Целта е преку фирмите-управители да се влијае на куќните совети и станарите, на лична заштита на својот имот и подигнување на граѓанска совесност за заштита, пријавување на сомнителни лица и пријавување на се она што сметаат дека може да помогне за сторено кривично дело или ако се сомневаат дека некој може да направи тешка кражба во стан. На тој начин ќе се заштити целото соседство. Поделени се постери кои ќе бидат истакнати во фирмите и зградите за заштита од тешки кражби во станови“ - објаснува Виолета Богдановска од отсек за превенција во СВР Куманово.

Според полицијата, како најзначајни мерки за превенција од кражби се: сопствениците на становите да не ги отвараат влезовите на секого, да не даваат информации на непознати за тоа кој каде живее и да постават видео надзор.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk