Стечајците протестираа пред Центарот за вработување

Стечајните работници од УНИТ денеска протестираа пред Центар за вработување Куманово револтирани бидејќи мал дел од нив добија решенија за надомест до вработување или пензионирање.

Тие сметаат дека се работи за манипулација и маркетиншки трик на владејачката партија.

Сакаме да кажеме дека не може државата вечно да биде за едни мајка, за други маќеа. Сакаме да упатиме порака до Иванов затоа што тој рече дека ќе биде претседател на сите граѓани, меѓутоа нас ниту еднаш во 5 години не не спомна во неговиот мандат. Сакаме од него да се изјасни и да се заложи за да добиеме една корка леб - изјави Лилјана Георгиевска, претседател на УНИТ.

Георгиеска вели дека многу од стечајците нема бидат опфатени со новиот закон.

Минатата недела 70 стечајци добија решенија и тоа е само првата група, а другите барања допрва ќе се обработуваат.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk