Зачленете се во нашиот клуб на читатели и најновите текстови ќе ги добивате на вашата мејл адреса
Дванаесет странски волонтери преку Европскиот волонтерски сервис и невладината “Стритс Фестивал“ во наредните два месеци ќе престојуваат во Куманово и ќе организираат мини баскерфест.
Волонери од Франција, Италија, Португалија, Полска, Турција и Романија на тој начин ќе ги промовираат различностите и мултиетничноста на градот, која треба да се сочува и цени.
Ќе работат со луѓе кои работат драма и акробација и заедно ќе подготвуваат мини баскерфест. Оваа година на овој начин решивме да го одбележиме стрит фестивалот кој претходните години се оддржуваше како музички фестивал, меѓутоа оваа година ќе биде фестивал каде ќе се промовира различноста - вели Катерина Георгиевска од “Стритс Фестивал“.
Волонтерите освен во Куманово и околината активности најверојатно ќе имаат и во околните градови Кратово, Крива Паланка, Пробиштип, Скопје со цел да ги анимираат младите.
Првпат сум овдека и мислам дека младите се многу топли, жив е градот, улиците, убаво се живее. Ќе бидеме тука до крајот на мај. Ќе направиме уличен фестивал, ќе имаме уметнички активности, ќе фотографираме - рече Симон Валеген, волонтер од Франција.
На младите волонтери им се допаѓа тоа што во Куманово запознале пријатели од различни националности.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk