Зачленете се во нашиот клуб на читатели и најновите текстови ќе ги добивате на вашата мејл адреса
Во просториите на поранешна „Мома„ вчера се отвори новиот хипермаркет на Тинекс. На површина од 1500 метри квадратни во објектот се сместени маркетот Супер Тинекс и дрогеријата Космо.
Потрошувачите можат да се снабдат со над 35 000 прехранбени производи,бела техника, козметика, играчки, книги и се што е неопходно за урбано живеење на едно семејство.
Во Супер Тинекс моментно работат педесетина вработени, но нивниот број ќе се зголемува. Нашата инвестиција чини околу пола милион евра- вели Кристина Тодоровиќ-Николиќ, генерален извршен директор во Тинекс.
Во малата стоковна куќа, новина е дрогеријата Космо која што е поразлична и единставена по својот асортиман на квалитетна и домашна козметика. Супер Тинекс е петти хипермаркет или 39 -ти маркет во државата од ланецот Тинекс.
Тинекс во Куманово важи за еден од најпрестижните и најснабдени во градот.
По повод отварањето на Супер Тинекс на Градскиот плоштад се одржа концерт на која настапија поп-ѕвездите Елена, Ламбе и Слаткаристика, a прославата заврши со спектакуларен огномет.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk