Зачленете се во нашиот клуб на читатели и најновите текстови ќе ги добивате на вашата мејл адреса
Жителите на селото Табановце, вчера четири часа го блокираа локалниот пат кој што води кон бегалскиот камп, барајќи да им се асфалтира пат во селото.
Тие обвинуваат дека автомобили и камиони, секојдневно го уништуваат единствениот асфалтен пат во селото, а никој не сака да им помогне да се асфалтира пристапен пат од 1.3 километри, кој поврзува друг дел од селото.
„Ние бараме од организациите во кампот да ни се направи асфалтен пат во најскоро време, инаку патот ќе бие блокиран додека не биде склучен тој договор,- изјави Тони Петровиќ, претседател на МЗ Табановце.
Жителите на Табановце се жалат дека патот е оштетен, бидејќи возилата се движат брзо, а при тоа се крева прашина кој завршува во нивите и куќите.
Раководителот на транзитниот центар Табановце, Горан Стојановски, вели дека е изготвена техничка документација за асфалтирање на патот и за ревитализација на водоводната мрежа, и се бара финансиер.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk