Тајванци се запознаа со македонскиот фолклор

Група Тајванци денеска беа во посета на Куманово и Центарот за култура “Трајко Прокопиев“, каде се запознаа со македонскиот фолклор.

Пред нив настапија членови на Детскиот младински амсамбал “Срма“, кои претходно ги пречекаа со леб и сол како што налага традицијата.

Тие се дојдени во посета на Куманово и сакаат да дознаат нешто повеќе за македонскиот фолклор. Ќе ги научиме некое оро, некој сплет да играат. Ќе им покажеме како се игра. Според нивните реакции, мислам дека се задоволни“- кажа Теодора Томовска, член на “Срма“.

Гостите од Тајван рекоа дека пред да пристигнат во земјава, на Интернет слушале македонски песни и многу им се допаѓаат.

Ние изучуваме фолклор од повеќе различни земји, вклучувајќи ја и Македонија. Ние сме заинтересирани за вашиот фолклор. Затоа специјално сме дојдени. Многу е интересен вашиот фолклор, ние сме импресионирани“- вели Лиса Џусечију од Тајван.

Во македонските песни, ора, носии уживаа триесетина гости од Тајван.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk