Зачленете се во нашиот клуб на читатели и најновите текстови ќе ги добивате на вашата мејл адреса
Такси превозниците во градот бараат од Општина Куманово да одреди и да обележи повеќе такси постојки во градот, кои ќе ги користат само тие и патниците.
Тие се жалат дека немаат доволно обележано такси места, а со поставување на заштитните столбиња се узурпират и веќе постоечките.
- Имаме проблем со такси постојките низ градот и ние и нашите патници. Немаме постојки во населбата Зелен рид, кај болницата, на локалитетот Водовод, поточно кај Жмара, во Соколана, зелениот пазар, сега со поставување на столбчињата уништени се и постојните места на многу локации, - вели еден од таксистите.
Градоначалникот на Куманово, Максим Димитриевски, вели дека таксистите наместо да бараат нови постојки, треба почнат да ги користат дефинираните такси места во градот, кои најчето ги избегаваат и се паркираат каде што на нив им одговара. Тој најави дека наскоро ќе бидат обележани улиците во градот, со што ќе бидат опфатени и такси-постојките.
- Јас апелирам да се почитуваат паркиралиштата кои што се предвидени во сколп на годишната програма, бидејќи секоја компанија или такси возач кога ќе добие лиценца за работа добива информатор кој на која локација и колку возила може да паркира. Оние локации, на кои се поставуваат столбчиња се јавно-прометни површини, не е дозволено паркирање на возила, туку се наменети за движење на пешаците, - изјави Димитриевски.
Таксистите додават дека голем проблем е и нелојалната конкуренција со т.н. диви таксисти, кои ги има на секој чекор.
Градоначалникот вели дека одредени таксисти еден период се членови на некоја компанија, а потоа работат како диви првозници и се согласува дека тие треба да бидат санкционирани.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk