Трговскиот центар „Сума“ слави роденден - награди и изнeнадувања за граѓаните

Трговскиот центар „Сума“ во Куманово на 19 октомври прославува 10 години постоење и успешна работа. Деценија на многу труд, енергија и посветеност, за да се изгради во најпријатно и најфреквентно место во градот, по примерот на современтите шопинг центри со врвна услуга за уживање. 

Олгица Крстевска, одговорно лице со десет годишно искуство во менаџирање на недвижност,  вели дека успехот на компанијата со која менаџира ТЦ „СУМА" - МГ Проперти - е резултат на лојални, вредни, истрајни, креативни и љубезни вработени, кои во изминатите 10 години го граделе имиџот и биле потпора и мотив за истрајност и во тешки моменти.

„Луѓе кои создаваат хармонија и влеваат сигурност на нашиве клиенти. Таков е нашиот персонал до кого упатуваме голема благодарност за сите овие години што го штитеа и се грижеа за Трговски центар „Сума“. Голема благодарност и до нашите лојални закупци кои и покрај сите пречки на кои наидуваа во текот на овие 10 години издржаа и останаа доследни и лојани на ТЦ „Сума“ и своите потрошувачи. Изминатата деценија ни е патоказ за успех, но и потсетник и потврда дека кога сакаме можеме да се справиме со сите предизвици во животот, емотивно или деловно. Затоа сме тука - каде што сме, а тука  - со нас се и оние кои ни веруваа! - изјави Крстевска.

По повод големиот јубилеј компанијата подготвува големи изненадувања и награди за верните потрошувачи, а ќе има и роденденски попусти во локалите.

 Секој потрошувач може да учествува во наградната игра доколку купува во било кој локал во Трговскиот центар. Вкупната вредност на наградите е 300 евра (во денарска противвредност), а ќе бидат доделени: 1 ваучер 100 евра за пазарење во НЕПТУН, по 1 ваучер од 50 евра за Sport Vision, Оптика Style, De Marco и Extreme Intimo.

Наградната игра е во тек, а ќе заврши на 19 октомври во 12 часот.

Извлекувањето ќе се одржи истиот ден во 13 часот и ќе биде дел од главната прослава на која ќе настапи Ивона Јовановиќ со нејзиниот Бенд, настап ќе има и Студио Мак Денс. Најмалите ќе ги завабуваат аниматори и кловнови, а ќе има и многу слатки задоволства!

Кумановчани, ТЦ "СУМА" роденден слави и сите сте поканети!

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk