Три авиони го гаснат пожарот во Бељаковце, ноќеска изгоре една куќа

Се уште е активен пожарот во селото Бељаковце, кој се разгоре вчера во попладневните часови се гореше цела ноќ.

„Пожарникарите од кумановската единица беа фокусирани на заштита на куќите во ова село, кое е од разбиен тип и се расфрлани на неколку ридови. Една стара куќа, која од сопственикот се користи само привремено беше зафатена од огнот и целосно изгоре“, изјави Стојанче Ангелов, директор на ЦУК.

Поради заканата по други куќи и опасност од проширување на огнот на блиска борова шума, кон селото Бељаковце полетаа три Ер трактори на Дирекцијата за заштита и спасување.

Ова е трет пожар кој се заканува на Бељаковце за две недели. Во минатите два се изгорени 3 стари, напуштени куќи и исто толку помошни простории.
    

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk