Зачленете се во нашиот клуб на читатели и најновите текстови ќе ги добивате на вашата мејл адреса
Волонтерите од граѓанската иницијатива „Не биди ѓубре“, викендов чистеа покрај училиштето „Браќа Миладиновци“ и околу „Пионерскиот дом“, при што собраа 30 вреќи смет.
Како по обичај во акцијата се вклучија десетина волонтери, а изостана поддршката од граѓаните кои живејат во тој дел на градот.
„И покрај пеколните температури "Не биди ѓубре" не се откажува од својата цел- чист град. Во сабота беше трета по ред акција во централното градско подрачје, потег на ул. Народна Револуција покрај основните училишта „Крсте Мисирков“ и „Браќа Миладиновци“, поранешниот Пионерски дом. На толку кратка релација собравме 30 вреќи уличен смет, највеќе лименки, отпишооци и отпадоци од изедени сендвичи и тостови, по некој шприц и игла. Сеуште нашите сограѓани "бледо" не гледаат, советниците и другите влијателни личности освен лајк на Фејсбук, не ни се приклучуваат, ни трага ни глас од нов. Благодарност единствено до ЈП „Чистота и зеленило“ и Општина Куманово за логистика со алат за чистење. Продолжуваме со уште поголема енергија и покрај тоа што еднаш исчистените локации веќе се целосно со ново ѓубре, - изјави Андријана Недељковски, активист на „Не биди ѓубре“.
Следната еколошка акција волонтерите ја организираат на локалитетот Водовод, поточно од кафеаната „ Кај Жмара„ до Мај маркет, во среда во 18 часот. Ги повикуваат сите граѓани, а особено станарите на околните згради кои го создаваат сметот да дојдат и заедно да го исчистат ѓубрето.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk