„Трмка“ одржа основачко собрание

Пчеларското друштво „Трмка“ од општина Старо Нагоричане, викендов одржа основачко собрание, на кое беа избрани органите, беа дефинирани статутот и чланарината.

„Трмка“ брои 50 членови и на нив им беа поделени членски книшки, а потоа беа засадени садници на плоштадот во општината во чест на формирањето на пчеларското друштво.

Официјално ја започнавме соработката со општината, и засадивме и садници на плоштадот бидејќи без дрвца нема мед, нема пчели. Ова е само почеток, ќе работиме на развој на пчеларството како добробит за општеството - рече Синиша Станојковски, претседател на „Трмка“.

На свеченоста беа присутни 70 гости кои се заинтересирани за пчеларството, како и градоначалникот Милован Стојковски.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk