Тромеѓани бараат пат и канализација

 Жителите на селото Тромеѓа се жалат дека со години наназад газат кал и немат решение за отпадните води и фекалиите од куќите и домаќинствата и покрај тоа што се на 5 километра од градот.

Затоа бараат од Општината нивните проблеми да се најдат на приритетната програмата на локалната самоуправа за нивно што поскоро решавање.

Има решено дел од патната инфраструктура во должина од 2 километри, но остануваат 7 километри за реализација.Иста е состојбата И со канализационата мрежа, 2 километри се решени i треба да се изгради мрежа од околу 9 километри. Ние како месна заедница ги изнесовме барањата до Локаланата самоупрва, но проблемите се уште чекаат- вели Митре Станојковски претседател на месната заедница Тромеѓа.

Еден од горливите проблеми на жителите на Тромеѓа е уличното осветлување.

Во сметката за струја ни одбиваат по 112 денари секој месец за осветлување, а во селото нема ниту една сијалица што свети. Децата од школо доаѓаат со батерии во рацете. Да не зборуваме за канализацијата, барата во селото се наполни од полската канализација и се соочуваме со еколошка катастрофа- се жалат жителите.

Селото Тромеѓа брои 1350 граѓани од кои најголемиот дел егзистираат од земјоделие.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk