Зачленете се во нашиот клуб на читатели и најновите текстови ќе ги добивате на вашата мејл адреса
Учениците од основното училиште „Крсте Мисирков“ денеска садеа дрвца во училишниот двор, со што се вклучија во акцијата “Ден на дрвото“.
Засадени се десетина зимзелени и листопадни дрвца кои ќе го украсат дворот на училиштето.
Секое одделение има еко тим, потоа нашето училиште има еко тим од наставници и други вработени. Ја поврзуваме наставата со екологија. Целосно сме посветени да ја развиеме еколошката свест на учениците. Наставата ја поврзуваме со настани кои се адекватни за екологија. Ова ни е петта еко активност. Одбележавме Ден без автомобили, Ден на пешаци, Ден на храна и Македонија без отпад каде бевме многу масовни и добивме благодарница од Британската амбасада - вели Сузана Денковска, педагог во училиштето.
Ученичката Анастасија Трајковска кажа дека учениците во групи од по десетина засадуваа дрвца и собираа смет.
Слични активности имаше и во другите училишта во градот.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk