Зачленете се во нашиот клуб на читатели и најновите текстови ќе ги добивате на вашата мејл адреса
Учениците од здравствена струка од “Наце Буѓони“ ќе го одбележат 12 Мај - Светскиот ден на медицинските сестри.
По тој повод утре тие ќе ги посетат старите лица во домот “Зафир Сајто“ на кои ќе им мерат притисок и шеќер во крвта, а во петок заедно со Црвен Крст ќе организираат вежба за прва помош во просториите на “Наце Буѓони“.
Во понеделник учениците ќе ја посетат Кардиохирургија “Филип Втори“ во Скопје.
- Болницата ќе ја посетат 30 -тина ученици кои се најдобри на ниво на паралелките, македонски и албански. Целта ни е да видат учениците како се работи во современи услови и да научат нешто ново. Оваа година одлучивме да направиме нешто поразлично за да не се повторуваме - вели Ленче Ѓоршевска Ангеловиќ, професор по стручни предмети.
12 мај се слави како Меѓународен ден на медицинските сестри во чест на раѓањето на најпознатата медицинска сестра Флоренс Најтингел.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk