Учениците од „Наце Буѓони“ најдобри на државниот натпревар во Кочани

 Средното техничко училиште “Наце Буѓони“ од Куманово постигна извонредни резултати на Државниот натпревар на учениците од средните училишта од машинска, електротехничка и сообраќајна струка од Република Македонија, кој викендов се одржа во Кочани.

На натпреварот учествувале 24 стручни училишта од машинска, електротехничка и сообраќајна струка од целата држава, а во силна конкуренција учениците од техничкото училиште освоиле 6 награди по две први и трети награди, една втора и една пофалница. Ги оценувале комисии составени од стручни лица и универзитетски професори.

Први места освоија: Никола Алексовски од машинска струка и Слободан Крстевски од електротехнчка струка, втор беше Милош Соколовски од електротехничка струка, трети Кристијан Арсовски од машинска струка и Дамјан Илиевски од електротехничка струка, додека Марио Јовановски доби пофалница за изработен труд од електротехничка струка.

Како и секоја година така и оваа го одбранивме нашиот квалитет и знаење и застанавме рамо до рамо меѓу најдобрите три технички училишта во државата. Овој натпревар е од најголемо значење за стручните училишта каде учениците го споредуваат своето знаење со знаењето на нивните врсници од други училишта, - велат од Техничкото училиште „Наце Буѓони“.

Државниот натпревар на учениците од средните училишта од машинска, електротехничка и сообраќајна струка, годинава се одржа по 36. пат.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk