Учениците од „Панче Пешев“ најдобри на државен натпревар

Пет ученици од нижото музичко училиште „Панче Пешев“ се закитија со награди на државниот натпревар  по музика што се одржа минатата недела во МБУЦ „Илија Николовски - Луј“ во Скопје.

 Фадбарха Далипи и Мартија Станојковиќ, во предкатегорија освоија второ и трето место. Ирина Трајковска на виолина, освои второ место во нејзината категорија и Наоми Георгиевска го освои највисокото место со специјална награда од 100 поени. Сите специјални награди имаа концерт на Факултетот за музичка уметност во Скопје. Од 720 кандидати специјална награда имаат добиено 12 ученици и тие се бореа за лауреат. Ученичката Наоми Георгиевска на целиот натпревар го зема 4 - то место. Ученичката на Марко Митковски, Ана Крстевска  се закити со трета награда - вели Риана Рамиз, професор по виолина во “Панче Пешев“.

Професорите се задоволни од резултатите кои покажуваат дека нивната работа се вреднува. 51- от државен натпревар го организираа музичките балетски педагози, а “Панче Пешев“ уште еднаш го потврди својот успех и се покажа дека е едно од најуспешните училишта во државата.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk