Зачленете се во нашиот клуб на читатели и најновите текстови ќе ги добивате на вашата мејл адреса
Ученици од основните училишта „Вук Караџиќ“ и „Магдалена Антова“ освоија трето место на републичкиот детски литературен фестивал „Ракатки 2017“, кој викендов се одржа во Радовиш.
На главната фестивалска вечер настапија 35 наградени ученици од цела Македонија, меѓу кои и учениците кои освоија III награда: Анастасија Богдановска од IX-2 одд. од „Вук Караџиќ“ и Илијана Симоновска од IX одд. од „Магдалена Антова“, под менторство на професорите Николче Јакимовски и Валентина Петрушевска.
Оваа година фестивалот се одржа под мотото „Имам желба“. Учениците и наставниците освен настапот на фестивалската вечер каде што уживаа во убавиот пишан збор, имаа чест и задоволство да ги видат убавините на градот Радовиш и неговата околина.
Фестивалскиот одбор на „Ракатки“ изразил желба, следниот фестивал да биде одржан во Куманово.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk