Зачленете се во нашиот клуб на читатели и најновите текстови ќе ги добивате на вашата мејл адреса
Учениците од основното училиште „Браќа Миладиновци“, денеска организираа продажен саем, како дел од активностите по практичната настава по предметот иновации.
На неколку штандови пред училиштето, граѓаните можеа да купат рачно изработени предмети од хартија, пластика, дрво, како и свежи цвеќиња.
„Учениците се организатори, произведувачи и продавачи на саемот за да видат колку теоријата можат да ја применат во практична настава. Целта на проектот е учениците да бидат истражувачи на пазарот, да имаат директна комуникација со купувачите и да ја одредат цената на производот.Така ќе знаат со што сакаат понатаму да се занимаваат, дали ќе бидат предприемачи или ќе се занимаваат со маркетинг и сами ќе ги презентираат своите производи, - вели професорката по иновации Даниела Божиновска.
Учениците одлучиле парите што ќе ги соберат од продажбата да ги донираат во хуманитарни цели.
„Овој саем произлезе од севкупната работа по предметот иновации. На некој начин вежбаме како да бидеме предприемачи. Од парите што ќе ги собереме денеска сакаме да купиме храна и да ја однесеме на сиромашните деца, - вели Ивана Трпеска, ученичка во 9 одделение.
Вакви активности деновиве ќе се одржат и во основните училиште „11 Октомври„ и „Христијан Карпош“.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk