Зачленете се во нашиот клуб на читатели и најновите текстови ќе ги добивате на вашата мејл адреса
Основното училиште „11 Октомври“ денеска го прослави патрониот празник со приредба во холот на училиштето.
Мотото на приредбата беше “Со насмевка можеш...“, а приредбата изобилуваше со песни, игри и хумор.
Присутните ги поздрави секретарот на Општина Куманово, Валентина Алексовска.
11 Октомври е нешто со што треба да се гордеме. Тоа е почетокот на НОБ и создавањето на македонската држава. Ви го честитам празникот и ви посакувам безгрижно детство, да учите, да се сакате, да се почитувате. Вие сте иднината на нашиот град. Ние ќе вложуваме во Општина Куманово и се гордееме со вас затоа што вие сте генерации кои ќе го обелат образот на Општина Куманово - вели Алексовска.
На прославата и претходеше ликовна колонија во самото училиште. Ученциите ја потенцираа потребата граѓаните да бидат весели и насмеани.
Насмевката е јазик кој го разбираат сите, универзален јазик. Ако некогаш меѓусебно се разминуваме и попатно не мора да разговараме, туку доволно ќе биде со насмевка да се поздравиме. Насмевката е јазик кој го разбираат сите. Таа не знае за верска и национална определба и е наше орудие со кое треба да врвиме професионално кон успеси - рече директорката Мерилин Стојчевска.
ОУ “11 Октомври“ брои над 500 ученици.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk