Зачленете се во нашиот клуб на читатели и најновите текстови ќе ги добивате на вашата мејл адреса
Во дворот на основното училиште „Кристијан Тодоровски- Карпош„ ќе се изведат змии колку е запуштено и обраснато во трева, а само за неколку дена нашите деца треба да тргнат на училиште, обвинуваат родителите.
Тие бараат надлежните во училиштето да го уредат дворот, инаку се закануваа со граѓанска непослушност.
Срамота е во приградско училиште да ги праќаме нашите деца во двор со над метар висока сува трева, како да сме во планина. Змии се изведоа од несредениот двор и неискосената трева со месеци. Таа е повисока од децата. Ова нема да го дозволиме. Ќе бараме овој проблем да биде решен во најкраток можен рок инаку се закануваме дека на 1 септември децата нема да ги пуштаме на училиште - велат неколкуте вознемирените и револтирани родители.
Од училиштето велат дека досега не се известени за револтот на родителите и до нив нестигнала никаква пријава.
Ние сме спремни да ги сослушаме родителите и да разговараме за било кој проблем и најискрено се надеваме дека ќе најдеме компромис-велат од училиштето.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk