Зачленете се во нашиот клуб на читатели и најновите текстови ќе ги добивате на вашата мејл адреса
Водостоите на реките Пчиња, Крива Река и Липковка се на претпазливо ниво, информираат од Управата за хидрометеоролошки работи од Скопје.
Нивна препорака е дека треба да се внимава на водотеците во повеќе региони, меѓу кои е и кумановскиот.
Моменталната состојба со водостоите на водотеците од државната хидролошка мрежа е во рамки на просекот и над просекот, и без изразити скокови во однос на претходниот ден, но од добиените информации за врнежите очекуваме покачување на водостоите на сите водотеци и природни езера. Колкав ќе биде порастот на водостоите ќе зависи од интензитетот на врнежите кои паднале или ќе паднат во сливните подрачја. Поради ова препорачуваме постојано следење на состојбата со врнежите - стои во соопштението од УХМР.
Најавите на синоптичарите се дека врнежите ќе продолжат и во текот на денешниот ден.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk