УЈП: Граѓаните да не чекаат последен рок за поднесување Годишни пријави

Од УЈП апелираат до граѓаните да не ги чекаат последните денови пред истекот на рокот, 15. март за да поднесат Годишна даночна пријава, за да се избегне метежот на даночните шалтери.

Имено, заклучно со 13.02.2017 година, 51.616 граѓани ја исполнија својата даночна обврска, а во наредниот период се очекува уште над 350 илјади даночни обврзници да ги пријават приходите во УЈП, односно обврзниците кои во изминатата 2016 година освен плата или пензија или приход од земјоделска/самостојна дејност, оствариле и други дополнителени приходи, - соопштуваат од УЈП.

Граѓаните кои е со привремен престој во Скопје, даночната пријава може да ја поднесе во Контакт центарот на УЈП, на новата локација во зградата на Регионална дирекција Скопје (ул. „11 Октомври” бр. 27, 1000 Скопје).

Годишната даночна пријава можете да ја поднесете и по пошта (во 1 примерок) на адресата на надлежната Регионална дирекција на УЈП  или електронски.

До 15. март се очекува над 400 илјади граѓани да поднесат Годишна даночна пријава во УЈП.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk