Зачленете се во нашиот клуб на читатели и најновите текстови ќе ги добивате на вашата мејл адреса
Од Управата за јавни приходи ги отфрла обвинувањата на општинската организација на СДСМ за тенденциозно затворање на фирми во Куманово.
УЈП најостро ги демантира обидите за политизирање и регионализација на примената на даночни закони. Управата не собира арач, туку данок кој треба сите да го плаќаат подеднакво.
Како и секогаш ќе го повториме нашиот став - со ваквите изјави од страна на политичките партии, се наштетува на легалните бизниси кои навремено и во целост ги плаќаат даноците во Македонија. Не сакаме да веруваме дека посочената политичка партија ја подржува сивата економија и неплаќањето на даноците.
Законите во Македонија важат за сите, па според тоа и единствен критериум според кој некој може да се соочи со казна од УЈП е дали го почитува или не законот. УЈП не може да “измислува“ посебни правила. Правилата се исти и за Скопје, Тетово, Охрид, па и Куманово...
Казните не се “проста математика“ и не ни е познато по која формула оваа партија ги дели бизнисите, бидејќи УЈП таква формула нема. Бизнис е бизнис, а според УЈП постојат даночни обврзници кои плаќаат даноци и оние кои не пријавуваат и не плаќаат даноци. Покрај спроведените контроли во Гевгелија, Велес, Струмица, Скопје, Куманово...,Управата за јавни приходи продолжува со редовни контроли во делот на фискализацијата, а за резултатите од контролите, како и секогаш јавноста ќе биде транспарентно информирана- се вели во реакцијата од УЈП.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk