Зачленете се во нашиот клуб на читатели и најновите текстови ќе ги добивате на вашата мејл адреса
Стотина кумановци побарала помош на хируршкото одделение во Општата болница Куманово, поради повреди задобиени од паѓање на замрзнатите улици и тротоари во последните 4 дена.
Најлошо поминале триесетина од нив, кои добиле скршеници по телото, па завршиле во гипс или во болница.
„ Петмина пациенти се здобија со сериозни фрактури по телото, скршен колк, прсти или ребра и се пренесени на клиниките во Скопје или задржани се на лекување во нашата болница. На 29 луѓе ставен им е гипс и пуштени се на домашно лекување, а 58 пациенти побараа помош поради повреди од пад, пред се шинување, истегнување на мускул, нагмечување на одреден дел на тело и сл. Се работи за лица од сите генерации повозрасни, млади и деца. Имаме многу работа, - велат од хируршкото одделение во Општата болница Куманово.
Најмногу скршеници имало во петокот кога падна првиот снег, за времето на празниците бројот се намалил, а од утринава повторно е во пораст. Постарите лица при падот ги кршат колковите, додека децата и помладите прстите, зголобите и дланките, бидејќи при пад се задржуваат на рацете.
Во Куманово улиците и тротоарите се вистински лизгалиште, бидејќи снегот не е исчистен до крај, па се подмрзнати од ниските температури.
2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk