Усмртен жител на Пчиња на излезот од Скопје, со ауди го удрил 20-годишен возач и побегнал

Жител на кумановското село Пчиња, синоќа загинал во сообраќајна несреќа која се случила на автопатот Скопје - Куманово, на излезот од градот.

„Во 20.43 часот Џ.И.(20) од Скопје, со живеалиште во Швајцарија, управувајќи патничко возило „ауди“ со швајцарска национална ознака,  удрил во пешакот Г.С. (54) од с.Пчиња, кумановско, по што го оставил возилото и го напуштил местото. 

Од здобиените повреди пешакот Г.С. починал на местото, а смрт констатирал лекар од Итна медицинска помош“, соопшти МВР. 

Околу 21.40 часот, Џ.И. сам се јавил во Општа болница Куманово каде му била укажана лекарска помош и му биле констатирани телесни повреди. 

Увид на местото на несреќата извршила екипа од СВР Скопје.

2008 - 2025 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk